本地科技初創公司元宇宙創建有限公司（Metaverse Corp Ltd），今日於灣仔君悅酒店為旗下元宇宙平台 Meta 12 舉行啟動禮，多位藝人和KOL均有出席祝賀，現場場面墟冚，星光熠熠。Meta 12由港人打造，糅合虛擬與現實世界優勢的元素，望能以科技讓大眾生活不再受空間和地域限制，可以隨時隨地滿足學習、社交、購物、娛樂或工作上各項需要。 今次擔任大會司儀的吳雲甫（Owen）和黃愷怡（Jasmin）對Meta 12亦有不少看法和期望，Owen表示：「Meta 12入面有個藝術館，我鍾意睇唔同嘅藝術品，但現實生活中好多時我都唔夠膽去，因為帶埋我個女去的話，佢會好嘈，睇藝術品要好靜㗎嘛。如果喺虛擬世界睇，我就可以自己靜靜地睇，唔怕佢打擾我啦。」同時作為健身教練的他又指：「我會想喺Meta12入面整個gym room，可以製作唔同嘅示範、教學短片教下大家，同埋亦希望可以畀大家分享一下健身成果。」 Jasmin就透露自己是演唱會和唱歌愛好者：「我自己好鍾意睇演唱會，我知道Meta 12入面有個虛擬演唱會，想睇下當唔係真實嘅情況下去表演會喺點樣；如果有個虛擬K房，或者喺唔同地方都可以同成班friend一齊唱歌，呢個感覺都幾得意。」 嘉賓之一的邱芷微與馬嘉均便最希望在Meta 12內參加與音樂有關的活動，邱芷微表示：「將來會有元宇宙歌唱比賽，你（馬嘉均) 又是音樂人，大家都會唱歌，又可以Busking一下也不錯。」近年大家的消費的模式都轉趨向網上購物，邱芷微與馬嘉均都看中這個趨勢，對參加元宇宙內的明星市集頗有興趣，邱芷微透露：「其實我之前都有擺檔，賣一些營養補充品、飾物、健康食品一類，現在大家的趨勢都偏向健康，希望多帶點健康信息予元宇宙的朋友。」至於馬嘉均表示個人對做生意都有興趣，開始逐步研究網上買賣市場，「如果真的可以賣物都很不錯呢！」 元宇宙世界包羅萬有，可以盡情發揮及實現想像空間，如果可以未來再增添一點元素，馬嘉均希望可以透過元宇宙探訪不同的地方，到自己想去的地方打卡。 兩位愛唱之人劉瑞祈（Kay Lau）與李浩軒（Will Lee）同樣對Meta 12的音樂範疇有興趣，Kay表示：「我啱啱用過個app，遊走下入面嘅世界，發覺個體驗感幾好，有少少似打緊機。我啱啱亦入咗一間麵包店，好期待嚟緊可以喺麵包店入面買到嘢，甚至可以喺藝術村入面睇多啲嘢，例如係演唱會、talk show，咁我覺得應該幾有趣。」又表示想在Meta 12裡面播放節拍玩Freestyle Hip-Hop。Will則希望透過Meta 12購物，並想在裡面嘗試busking，認為在虛擬世界busking感覺會很特別。 在《愛・回家之開心速遞》飾演Andy的崔錦棠（Tony）表示：「我想喺廣州南站搭車，因為過去幾年冇機會返內地，好耐冇見啲中國隊、廣東隊嘅跑步朋友，所以都想試下喺Meta 12入面見下佢哋；希望嚟緊Meta