富通保險有限公司（「富通保險」）聯動非牟利機構「愛望基金」及「飛越啟德」，日前於黃埔宣道小學舉行「籽望未來」計劃啟動禮，透過一系列身心動力Power Up體驗活動，促進兒童身心全面發展。獲邀出席啟動禮的岑珈其，在活動上與一班小學生大玩遊戲，教導他們表達情緒；他又自爆兩歲半兒子臻臻正值trouble two時期，試過一次如同「鬼上身」般扭計！珈其認為解決小朋友情緒問題是一門專業學問，自己仍在努力學習中。

嘲囝囝扭計似「鬼上身」

活動上，珈其與富通保險義工帶領一眾小學生進行情緒卡互動遊戲，跟學生打成一片，如大細路一樣。他自言在家庭的角色除了是丈夫和爸爸，也是臻臻的「玩伴」，無論多忙總會抽空跟囝囝出街、踩單車。珈其不諱言兩歲半的臻臻最近開始展現不同情緒，他說：「囝囝啱啱接觸YouTube時，好瘋狂咁睇，一唔畀佢睇，佢就發脾氣，喺屋企又會發、喺街又會發⋯⋯ 又試過有次佢扭計唔肯沖涼，然後失控大喊，大叫同『典地』，我問太太佢係咪鬼上身，最後我同太太唯有行開，佢『典』足5分鐘，等佢自己冷靜。」

父母的情緒對下一代亦有直接影響，自成為爸爸後，珈其更學懂怎樣紓壓，免得將負面情緒帶到小朋友之上，他稱：「做爸爸前，自己情緒起伏好大，情緒唔係控制得好好，一路工作、一路成長就變得稍為好啲；但成為爸爸後，呢方面就急速成長，會不斷控制自己情緒，想喺囝囝面前做好榜樣。」

兒子身心健康最重要

望子成龍可說是為人父母的終極目標，但對於珈其來說，臻臻能夠身心健康成長才是最重要：「呢個問題，自己每日都諗，覺得佢保持身心靈健康係最重要，自己喺過來人，細個唔係讀咩好叻嘅學校，但就好開心、好自由，鍾意玩咩就玩咩、學咩就學咩。今次見證富通保險『籽望未來』計劃嘅啟動禮又再次提醒我其實小朋友健康快樂地成長就夠，如果將來讀到書、大學畢業，固然係好，但唔會畀太大壓力囝囝同自己。」